Twtgal

Twitterren argazki galeriak publikatzeko erraminta

Twtgal erraminta erabilita argazki multzoak tweet bakarrean publikatzeko aukera duzu. Twitterren zure jarduera aberastuko duzu gai zehatz baten inguruan argazki multzoak igota. Askotan ez baita nahiko argazki bakarra gai baten inguruan erakutsi nahi duzuna erakusteko. 

Nola erabili?

Erraza da: argazkiak igotzean jasoko duzu argazki multzo edo galeria horretarako URL laburra. Twitterren sartu eta tweeteatzean link hori erabili. 

Nahiago baduzu, argazkiak email bidez bidali ahal dituzu p@twtgal.com helbidera eta minutu bakar batean jasoko duzu URL laburra.

Twtgalen jasotako URL laburra zure Tweetean txertatu behar duzu

Nola ikusten dira?

Tweet batean honelako galeria bat txertatu baduzu URL labur bat erabilita, nahikoa izango da horretan klik egitea argazkiak ikusteko.

Argazkietan zehar nabigatzeko galerien orrialdea irekiko da automatikoki. Adibideak hemen. 

Galerien orrialdea irekiko da argazkietan zehar nabigatzeko

Beharrezkoa da kontu berria sortzea? 

Ez. Ez duzu kontu berririk ireki behar. Zure Twitterreko kontuko datuak ere ez dituzu eman behar. 

Baldintzak

Limitea 14 argazki izango dira. Argazkiak, gehienez, 2MBkoak izango dira (gehienez 2100px). 800 x 600 tamainara modifikatuko dira.

Galeriak publikatzen hasteko bisitatu Twtgalen orrialdea: http://twtgal.com/

Zein izango da paperezko egunkarien etorkizuna?

 BERRITU EDO  HIL

Teknologia berriek, internetak, gure eguneroko bizitza eraldatu egin dute: goitik behera. Sukaldaritza, lan egiteko era, garraioak... Informazioa jasotzeko era ere aldatu da. Irudia da nagusi, informazio azkar eta labur jasotzeko ohitura dugu orain eta partehartzea eskatzen dugu geroz eta gehiago. Horrek hedabide tradizionalak kaltetu egin ditu. Dudarik gabe. 

Gaurko panorama ikusita, zera galdetu dezakegu: Zein izango da paperezko egunkarien etorkizuna?

Nerea Pikabeak 'Administrazioa euskaraz' aldizkarian idatzitako artikuluan internet eta teknologia berriek informazio munduan izan duten eraginaz aritu da. 

Kazetaritzaren munduan murgilduta bizi diren pertsonen iritziak ekarri ditu artikulura: Pedro Ontoso (@elcorreo_com), El Correoko zuzendariordea, Bingen Zupiria ,Deia egunkariko zuzendaria (@deia_bizkaia), Iñaki Soto, Gara (@garanet) eta Naizeko (@naiz_info)zuzendaria eta Txema Ramirez de la Piscinarekin, EHUko kazetaritza irakasle eta Hedabideak, Gizartea eta Hezkuntza Ikerketa taldeko burua.

Hizlari horien iritziak irakurrita, argi dago aldaketa beharrezkoa dela paperezko hedabideek biziraun dezaten. Iñaki Sotok dioen moduan, nire aburuz ere, komunikabideek birmoldaketa behar dute jada gertatzen ari diren aldaketei aurre egiteko.

Aldaketa hori hedabide digitalei lotuta dagoela argi dago. Online baliabideek gizarteak eskatzen duena ematen duelako: azkarra da,  multiplataforma eta partehartzailea sare sozialei esker. Gaurko gizarteak eskatzen duenarekin bat egiten du.

Lan asko egin beharko dugu, bai kazetariok eta bai hartzaileek. Informazio produktuak egiteko era aldatu beharko da, multiplataforma produktuak sortu (bideo, argazki, link, presentazio...etab)... Irakurtzeko era ere aldatuko da: papera alde batera utzi eta gadget digitalak hartu. Liburu eta e-readerekin gertatzen ari den moduan.

Laister gertatuko den aldaketa da, jada parean dugun aldaketa.